وكالات//

تلقى العالم ديال الفن في العالم كامل، وخاصة في ميريكان خبر حزين بزاف وهو الموت ديال كوينسي جونز، المنتج الموسيقي الأسطوري.

ودارت العائلة ديال جونس واحد البلاغ كتقول فيه أنه مات الاثنين، وهو محاط بالعائلة ديالو في مدينة لوس أنجلوس.

جونز، لي مات وعمرو 91 عام، تعرف بالمسيرة الفنية الكبيرة ديالو سواء في الإنتاج لكبار الفانين في ميريكان والعالم، ولا حتى بالجوائز لي ربحها.

وربح جونس 28 جائزة غرامي، وهو ثاني أكثر الفنانين لي ربحوها في التاريخ، وترشح 80 مرة ليها من عام 1961.

وتعرف كذلك بأنه هو لي نتج أعمال فنانين كبار بحال فرانك سيناترا ومايكل جاكسون، بما فيها الأغنية الشهيرة “Beat It” ديالو لي صدرات عام 1982.