كريم الصوفي – كود//
قال موقع “دايلي ستار” البريطاني، إن أسرة بريطانية حاولات تعيش تجربة السفر لأول مرة خارج بريطانيا باش تدوز عطلة زوينة، واختارو مراكش، لكن هاد الأسرة عاشت 24 ساعة ف الجحيم داخل الأوطيل المصنف اللي حجزو فيه.
هاد الأسرة تفاجأت ف الليلة اللولة بالأوطيل بشخص متطفل حاول اقتحام الغرفة ديالهم وسرقة المتعلقات الشخصية ديالهم. الكوبل خبرو إدارة الأوطيل، لكن بقاو خايفين مع وليداتهم الصغار، بعدما لم يتم تصديقهم من طرف المسؤولين ديال الأوطيل ولم يتم تشديد إجراءات الأمن.
وقالت الأم فـ تصريحات: “كانت أول عطلة لعائلتي، ولم يسبق لهم السفر إلى الخارج من قبل. لقد كانت عطلة من الجحيم”. وقال متحدث باسم إدارة الأوطيل تعقيبا على أخبار الحادثة، أنهم تلقاو ليلة 19 ماي بلاغ من الأسرة وتم إخطار الشرطة ودعم الأسرة معنويا ونفسيا و”سلامة الكليان هي الأولوية عند الفندق وهاد الحالة كتبقى نادرة ودابا الملف عند البوليس”، حسب قوله.
https://www.dailystar.co.uk/news/latest-news/brit-familys-tui-holiday-nightmare-30108567
