وكالات//

قررات السلطات ديال أستراليا أنها تسد جوج ديال البحورة في البلاد، بسبب شي كورات كحلين بانو ماعرف عليهم حد حتى شي حاجة.

وهاد البحورة هوما بحر كوجو وبحر جوردونز باي لي كاينين في مدينة سيدني.

وقالت بزاف ديال التقارير الصحفية في أستراليا إن الخبراء دابا خدامين باش يعرفو شنو السبب ديال الكورات الكحلين.

وكتشير التوقعات الأولى أنه من المرجح تكون هاد الكورات الكحلة تجمع ديال القطران ناتج على انسكابات نفطية.

وخرجات وزيرة البيئة في البلاد بواحد البيان كتقول فيه أنها خدامة مع جهات خرا في الحكومة باش ينظفو الشواطئ ويحددو شنو داكشي.