الرئيسية > كود-تيفي > أسامة رمزي: التزمت بالحجر صحي مزيان وهادشي أثر عليا نفسيا ووليت كنخاف ننعس وكنبقا فايق حتال 9 دالصباح -فيديو
20/06/2020 22:00 كود-تيفي

أسامة رمزي: التزمت بالحجر صحي مزيان وهادشي أثر عليا نفسيا ووليت كنخاف ننعس وكنبقا فايق حتال 9 دالصباح -فيديو

أسامة رمزي: التزمت بالحجر صحي مزيان وهادشي أثر عليا نفسيا ووليت كنخاف ننعس وكنبقا فايق حتال 9 دالصباح -فيديو

نجوى المالحي-كود//

الكوميدي أسامة رمزي خرج البارح بفيديو المدة ديالو 9 دقايق دوا فيه على كيفاش الحجر الصحي أثر عليه نفسيا لدرجة أن أفكار سوداوية ولات مسيطرة عليه وعلى تفكيرو وولا كيخاف ينعس في الليل وباش الخوف ميسيطرش عليه كيبقا فايق حتال 9 ديال الصباح.

الفنان لي دخل لعالم التمثيل هاد رمضان قال أن هاد الأشهر لي گلس في الدار مرض نفسيا وولا عندو مشكل في التنفس ودقات القلب ديالو كيطلعو بزاف وولا عندو الهوس بالمرض.

وقال رمزي أنه محظوظ حيت عندو ناس كيبغيوه، وعاونوه بالكلام الزوين والميساجات لي خلاتو أنه يتوكَد ويحاول ميزيدش يغرق في المشاكل، زيد على هادشي أنه كان واعي بالحالة ديالو وأن طبيب قال ليه معندك والو نهائيا وأن كَاع الأفكار غير في راسو.

موضوعات أخرى