كود سبور//
رجع الدولي المغربي اسامة العزوزي لاعب بولونيا الايطالي للمشاركة مع الفريق فالماتشات ديالو، بعد غياب لاشهر بسبب الاصابة والعملية.
وأعلن نادي بولونيا الايطالي عن لائحة الفريق المشاركة ضد امبولي برسم منافسات الجولة 22 من بطولة الطاليان، وهو الماتش اللي غايتلعب غدا السبت بالليل، وضمن اللائحة كاين أسامة العزوزي.
وغاب اسامة العزوزي على الملاعب من الصيف الماضي، بسبب اصابة تعرض لها مع المنتخب المغربي الأولمبي ضمن أولمبياد باريس.
ويعتبر أسامة العزوزي من اللاعبين اللي معول عليهم مستقبلا فوسط تيران المنتخب الوطني المغربي الاول، خاصو يرجع غير اللياقة البدنية والنيفور ديالو.
