الرئيسية > آش واقع > أساتذة المعهد الملكي لتكوين أطر الشبيبة والرياضة مصعدين ضد فردوس.. غيديرو وقفة احتجاجا على تجاهلو لوضعية المعهد “المأزمة”
08/07/2021 13:20 آش واقع

أساتذة المعهد الملكي لتكوين أطر الشبيبة والرياضة مصعدين ضد فردوس.. غيديرو وقفة احتجاجا على تجاهلو لوضعية المعهد “المأزمة”

أساتذة المعهد الملكي لتكوين أطر الشبيبة والرياضة مصعدين ضد فردوس.. غيديرو وقفة احتجاجا على تجاهلو لوضعية المعهد “المأزمة”

عفراء علوي محمدي- كود//

فخطوة تصعيدية ضد وزير الشباب والرياضة، قررو أساتذة المعهد الملكي لتكوين أطر الشبيبة والرياضة فالرباط يديرو وقفة احتجاجية يوم 12 يوليوز 2021 ابتداء من ال10 ديال الصباح، مع تعليق المشاركة فمباراة ولوج أسلاك البحث برسم الموسم الجامعي جاي.

وحسب بلاغ ليهم، فالأطر كذلك غدي يوقفو الإعلان على نتائج الإجازة، باستثناء الفصل السادس، ونتائج الماستر، ومايناقشوش البحوث، ويديرو الشارة الكحلة داخل مراكز التكوين التابعة للمعهد.

وهذشي قرروه الأطر احتجاجا على رفض الوزير إجراء حوار “جاد” معاهم، بعد مراسلتو كثر من 20 مرة كيف قالو، وعاد صمت رئيس الحكومة اللي ترفعات ليه رسائيل لمعالجة الوضع حتى هو.

وتكلمو الأطر على عدم تعويض الأساتذة عن الساعات الإضافية والتكوين المستمر، وعرقلة التوقيع على قرار تأسيس فرق البحث والمختبرات العلمية ومركز دراسات الدكتوراه.

وقالو أن المعهد وصل لوضعية مأزمة كيصعاب معاها ممارسة أي نشاط أكاديمي، مع عدم دعم الوزارة الو١ية لميزانية المعهد، واللي كتنعكس على الأحوال ديالو اللوجستيكية، خصوصا فالما والكهرباء والنظافة والحراسة.

موضوعات أخرى

29/07/2021 19:00

وخا الدق القاصح اللي كلاتو السياحة وهاد الموجة ديال السلالة الجديدة “دلطا”.. أوطيلات كاتقاتل باش تروج الحركة فهاد الصيف

29/07/2021 17:30

حرمان طلبة الطب من “منحتي” ورطات أمزازي مع رئيس الحكومة.. شكايات كثيرة نزلات على رئاسة الحكومة والبرلمانيين كاعيين على التأخر فحل المشكل