كود سبور//
قرر المكتب المديري لمولودية وجدة برئاسة المدني الزياني يمشي بحالو من النادي، بعد أشهر قليلة من الانتخاب ديالو.
وتقرر عقد جمع عادي واستثنائي لمولودية وجدة يوم 25 يوليوز الجاري، وغايقدم فيه المكتب المديري استقالتو بشكل رسمي، وراه تم فتح باب الترشح لرئاسة النادي.
وكايعيش مولودية وجدة حالة صعيبة بسبب الأزمة المالية اللي غارق فيها سنوات هادي، وبعدما طاحو للقسم الثاني الموسم الماضي، فالفريق مهدد بالنزول للأقسام السفلى بسبب الحكم اللي صدر ضدو لمصلحة المدرب السابق عبد السلام وادو، واللي خاصهم يخلصو له حوالي مليار سنتيم.
وكايحمل العدد من عشاق مولودية وجدة المسؤولية فالأزمة اللي كايعيشها النادي للرئيس السابق محمد هوار، وخصوصا مشكل المولودية مع وادو اللي وقع فالعهد ديالو كرئيس للنادي.
