وكالات//

نقلات وكالة “رويترز” على واحد المصدر لي وصفاتو بـ”المطلع” أن روبوت الدردشة التابع لشركة “ميتا” ما عرفش شكون هو الرئيس الحالي ديال ميريكان، وهاذ المشكل خلا الشركة تدخل في حالة طوارئ ودابا راها خدامة باش تصلح الوضع بزربة.

الرئيس الجديد ديال ميريكان هو الجمهوري دونالد ترامب، اللي تنصّب يوم الاثنين لي فات بلاصت الديمقراطي جو بايدن. لكن روبوت “ميتا” اللي كيشتغل بالذكاء الاصطناعي كان كيقول أن بايدن هو الرئيس، وهادشي أكدو المصدر واختابروه الناس.

منين سولو “رويترز” على اسم الرئيس، جاوب روبوت الدردشة وقال: “الرئيس الحالي لميريكان هو جو بايدن. ومع ذلك، وفقا لأحدث المعلومات المتاحة، أدى دونالد ترامب اليمين رئيسا في 20 يناير 2025”.

المصدر قال إن المشكلة خلات “ميتا” تدخل في حالة طوارئ معروفة عندهم باسم “إس.إي.في” باش يصلحو المشكل في خدماتهم بشكل عاجل.

دانيال روبرتس، المتحدث باسم “ميتا”، قال فالتعليق ديالو: “كلشي عارف أن رئيس ميريكان هو دونالد ترامب، ولكن الأنظمة ديال الذكاء الاصطناعي كتجيها بعض المرات معلومات قديمة، وغادي نستمروا في تحسين الخدمة ديالنا”.