وكالات//

كيعيش القطاع الصحي في بريطانيا أزمة كبيرة بزاف، وأثرات حتى على الصيدليات وهو شي لي خلا بزاف منها أنها تسد الأبواب ديالها.

على حساب ما جا في وكالة الانباء السبليونية “إيفي” فهاد الازمة جات بسبب مشكل قطع الدعم على نظام الرعاية الصحية في البلاد من هادي 10سنين تقريبا.

ونظام الرعاية الصحية في بريطانيا كيدعم الصيدليات من هادي عشر سنين بمبلغ 2.6 مليار جنيه إسترليني وهو المبلغ لي بقا ثابت ومتزادش من ديك الفترة.

وكيقولو أصحاب الصيدليات انه بسبب التضخم والمشاكل الاقتصادية لي عرفاتها البلاد فعدم الزيادة في التموين كيعني ان التكاليف تزادت بأكثر من 40 في المية.

وهو شي لي خلا بزاف ديال الصيدليات مابقاتش قادة أنها تكمل الخدمة ديالها وسدات البيبان ديالها في مرة.