وكالات//

الأزمة ديال شيرين مع عائلتها بعدما تصالحت مع طليقها حسام حبيب غادية وكتطور، والعائلة قررات تخرج للإعلام وتهضر على الوضعية ديال بنتها لي خلاتها تدخل لسبيطار الأمراض النفسية.

محمد عبد الوهاب الأخ الشقيق ديال شيرين والأم ديالها خرجوا في تصريح إعلامي مباشر في برنامج “الحكاية”، وخوها قال بأن ختو رجعات تصاحبت مع طليقها حسام حبيب من بعدما رجع ليها الطوموبيل لي كان شافر.

بالإضافة لهادشي كامل، كيقول أخ شيرين عبد الوهاب أن ختو كرات دار في منطقة التجمع في القاهرة وكتمشي ليها هي وحسام حبيب بشكل انفرادي وكيتعاطاو المخدرات من ضمنها لحشيش.

الأخ ديال شيرين صرح أنه دخلها بالقوة للسبيطار باش تتعالج من الإدمان لي هي فيه ولي دمر ليها حياتها، بالإضافة للمنتجة سارة الطباخ لي كيتهمها أخ شيرين بتكوين عصابة ضد ختو، وقال أنه ما غاديش يخرجها من السبيطار واخة يكون آخر نهار في حياتو حتى تتعالج.

من جهتها الأم ديال شيرين وفي نفس البرنامج قالت إن بنتها ماشي في وعيها، وجرات عليها من الدار هي ووصل بيها الوضع أنها تجري على بناتها لي من لحمها بعدما رجعات لحسام حبيب لي خرج على حياتها، وقالت إن حسام حبيب ما تنازلش ليها على القضايا على عكس ما دارت هي.