كود سبور//

غاديين الأسهم ديال الدولي المغربي عمر الهلالي مول الـ21 عام وكايطلعو، وهذا الشي بعد التألق ديالو مع إسبانيول فبطولة الصبليون.

وقدر عمر الهلالي يحتل المركز الأول حتى لدابا فعدد تدخلات المدافعين وقطع الكورة فبطولة الصبليون، بـ94 تدخل وكورة قطعها، ومحتل المركز الـ7 بين المدافعين فبطولة الصبليون من ناحية الثنائيات اللي ربحهم.

وتشير التوقعات إلى أن عمر الهلالي ما غاديش يبقى مع إسبانيول فالصيف الجاي، حيث عندو عروض مهمة للانتقال إلى اندية أكبر حيث كايقدم نيفو كبير، ومن أبرز المتنافسين على الخدمات ديالو كاينين البارصا والأرسنال.