كود سبور//

ولا المنتخب الوطني المغربي منتخب عالمي من بعد الإنجاز اللي حقق فمونديال 2022، وأيضا باللاعبين ديالو النجوم سوا اللي فأوروبا او اللي فآسيا، واللي ماركات كبيرة ولات كتسني معهم عقود رعاية وإشهار، ومن بعد ابراهيم دياز نجم ريال مدريد الإسباني اللي سنات مع أديداس الألمانية، جات نوبة هاد المرة المنافسة التقليدية ديالها نايكي اللي سنات مع سفيان رحيمي نجم العين الإماراتي.

وسناو Nike وسفيان رحيمي نجم العين الإماراتي كونترا اليوم فالإمارات، فصفقة باغية من خلالها الشركة العالمية الرائدة فالحوايج الرياضية، تخلي النجم المغربي يقرّبها من الجمهور ديالو اللي كبر مؤخرا بعدما تألق مع العين وقدر يؤه الفريق إلى فينال دوري أبطال آسيا، بعدما دار ماتشات كبار ضد الهلال السعودي اللي ضرب عليهم هاتريك بالنجوم ديالو فالدومي فينال، وقبل منهم النصر السعودي بالنجوم ديالهم وعلى رأسهم الأسطورة البرتغالي كريستيانو اللي حتى هو ساني عقد إشهار مع Nike.