كود سبور//

قرب الدولي المغربي ألياس أخوماش نجم فياريال الإسباني، يرجع للتيرانات بعد اشهر من الغياب بسبب الاصابة اللي حرمات الفريق الاسباني والمنتخب الوطني المغربي من الخدمات ديالو.

وكشفت جريدة Eldiariodeprtes الإسبانية، ان النجم المغربي إلياس أخوماش غايبدا فشهر أبريل الجاي المرحلة الأخيرة من برنامج العلاج اللي متبعو ملي فتح على الركبة ديالو فاش تقطعو له ليگامون فشهر نوفمبر اللي فات.

ووضحت الجريدة المذكورة، ان المحطة الجايا من برنامج اخوماش العلاجي هي تمارين الجري الطويلة والمستمرة لمدة شهر كامل، باش يبدا بوحد من وراها يكون واحد فشهر غشت الجاي للمشاركة مع فياريال فموسم 2025-2026، سوا فالبطولة الاسبانية او المسابقات الاوروبية، بالإضافة إلى كاس أفريقيا مع المنتخب المغربي وكاس العالم 2026، وحسب نفس المصدر اللاعب راه معول على هذا الشي.