كود سبور//

حيح الدولي المغربي إلياس أخوماش لاعب فياريال الإسباني فماتش الفريق ضد ريال سوسيداد الإسباني ضمن الجولة 32 من بطولة الصبليون واخا ما كانش لاعب.

وحسب برنامج “شيرينگيتو” الإسباني، فالحكم ديال الماتش بين فياريال وريال سوسيداد، دار فالرابور ديالو أن إلياس أخوماتش ضرب  ليكرون ديال Var بالكورة حتى طاحت، وبدا كايغوت هذا الشي عار، احتجاجا على التحكيم، واخا ما مكونفوكيش فهذا الماتش، قبل ما يدخلو صحابو ويخرجوه من التيران، مع العلم أن الماتش سالا بين الفريقين بالتعادل الإيجابي 2-2.

للإشارة فإلياس أخوماش مازال ما كايلعبش بسبب الإصابة اللي كان تعرض لها شهر نبونبر 2024، وكان دار بسببها عملية جراحية ودابا كايخضع لبرنامج من التداريب الانفرادية باش يكون واجد ما بداية الموسم الجاي، ودابا ومن بعد هذه الفعلة راه مهدد بالعقوبة اللي تقدر تصدر عليه من رابطة بطولة الصبليون ويقدر يتوقف بها على اللاعب وهذه المرة ماشي بسبب الإصابة ولكن بسبب سوء السلوك وهذا الشي ممكن يعطل العودة ديالو باش يلعب.