الرئيسية > كود سبور > أخنوش واقف مع الحسنية.. جاب 30 حافلة للجمهور السوسي باش تديه لمراكش على ود الدومي فينال ديال كأس العرش
07/11/2019 14:20 كود سبور

أخنوش واقف مع الحسنية.. جاب 30 حافلة للجمهور السوسي باش تديه لمراكش على ود الدومي فينال ديال كأس العرش

أخنوش واقف مع الحسنية.. جاب 30 حافلة للجمهور السوسي باش تديه لمراكش على ود الدومي فينال ديال كأس العرش

كود سبور//

عزيز أخنوش، وزير الفلاحة والصيد البحري، واقف وقفة ديال الرجال مع حسنية اكادير، الفرقة، لي كايبغيها من قلبو ويدعمها سنويا.

جاب 30 حافلة لجمهور حسنية أكادير، باش يتنقل في ظروف مزيانة لمراكش نهار الأحد جاي، ويشجع فرقتو  أمام المغرب التطواني في نصف نهائي كأس العرش بلا حتا مشاكل ديال ترانسبور.

وحسب مصادر “كود”، فإن الملياردير أخنوش وضع رهن إشارة 30 كار دعما منه وتشجيعا ورغبة منه في حضور جماهير غفيرة ف ماتش ديال الأحد جاي.

وأكدت هذه المصادر بلي أخنوش عاجبو بزاف هادشي لي حقق الحسنية بتأهله إلى دور المجموعات من مسابقة كأس الاتحاد الإفريقي كاف للمرة الثانية على التوالي
وعبرت إدارة حسنية أكادير عن اعتزازها بهذه المبادرة، لي جات من عند رجل أعمال سوسي كايبغي الفرقة بزاف.

وقدمت إدارة الفريق في موقعها على مواقع التواصل الاجتماعي “فايسبوك” شكرها لاخنوش على هذه المساهمة النبيلة.

ومن المنتظر أن تعرف مباراة حسنية أكادير والمغرب التطواني حضورا جماهيريا كبيرا من كلا الفريقين، خاصة من أكادير، لأن المسافة قريبة لمراكش.

موضوعات أخرى

13/11/2019 16:50

النسخة الأولى من منتدى مقاولات تربية الأحياء المائية بالداخلة بالأرقام: 300 مشارك واطلاق 256 مشروع بإمكانيات إنتاج إجمالي واصلة لـ 156.000 طن فالعام