گود سبور كازا//

اكد عزيز اخنوش الرئيس السابق لحزب التجمع الوطني الوطني للأحرار، انو مازال ما كاين حتى شي جديد على فين غادي يتلعب فينال كاس العالم 2030،

اخنوش أضاف فلقاء حزبي اليوم بمديونة فاول يوم من الحملة الانتخابية ان توظيف هذا الملف فالوعود السياسية فهاد الحملة الانتخابية ماشي معقول، وحذر من تأثير هذا الشي حتى على علاقة المغرب بالحليفين ديالو إسبانيا والبرتغال، اللي منظم معهم بشكل ثلاثي ومشترك كاس العالم 2030.

عزيز اخنوش وفكلمة ليه فلقاء لحزب التجمع الوطني للأحرار بالدار البيضاء، اليوم الخميس، وجه خطاب لفوزي لقجع عضو المكتب السياسي للبام وقال ليه: “ما تواعدوش المواطنين بأن نهائي كاس العالم 2030، غادي يتقام فبنسليمان، خصوصا وأننا مازال ما هضرناش فالموضوع مع حلفائنا فتنظيم البطولة إسبانيا والبرتغال”.

التجمعي عزيز اخنوش حذر البامي فوزي لقجع من استعمال فينال مونديال 2030، فالحملة الانتخابية، وتأثير هذا الشي على العلاقات ديال المغرب مع الجارين والحليفين ديالو بجوج اسبانيا والبرتغال، وقال له: “هذه القرارات هي قرارات كاتهم الكبار، وما بغيناش تجبدو لينا الصداع مع حلفائنا”.

وكان لقجع البارح ببوزنيقة قال باللي الفينال ديال المونديال 2030 غادي يكون فملعب الحسن الثاني ببنسليمان