كود ـ الرباط//

عزيز أخنوش، رئيس الحكومة ورئيس التجمع الوطني للأحرار، وجه رسالة واضحة لوزراء حكومته وبرلمانيي حزبه خلال لقاء جمعهم نهار الاثنين، فأول خروج سياسي ليه بعد الخطاب الملكي فافتتاح البرلمان.

أخنوش قال للبرلمانيين ديالو، بلي: ’’خصكم تكونو حاضرين بقوة فالبرلمان، خصوصا مع مناقشة قانون مالية 2026، ودافعو على الحصيلة ديال الحكومة، وشرحو للمواطنين شنو درنا وشنو باقين غانديرو.”.

وأضاف فرسالة للوزراء: “الملك تكلم على التسريع، وهاد الكلمة كبيرة. خاص الحكومة والوزراء يتحركو بسرعة، ينزلو للتيران، يشوفو الناس ويسمعو ليهم. حتى يلا قدر الوزير يحل غير مشكل واحد على عشرة، راه مزيان.

الصراع السياسي والانتخابي بدا بكري قبل ما تبدا مناقشة مشروع قانون مالية 2026 لي غايكون مصيري للأحزاب المشكلة للحكومة، وللي غاتعرف اطوار مناقشتو ف البرلمانات نقاشات سياسية حادة ومن خلاله غاتبان معالم التحالفات السياسية المقبلة.