الرئيسية > آش واقع >  أخنوش كلاشا البيجيدي غي بالفن: الحكومة تداركات نقائص التجارب السابقة ديال الحوار الاجتماعي ‏
29/11/2022 17:20 آش واقع

 أخنوش كلاشا البيجيدي غي بالفن: الحكومة تداركات نقائص التجارب السابقة ديال الحوار الاجتماعي ‏

 أخنوش كلاشا البيجيدي غي بالفن: الحكومة تداركات نقائص التجارب السابقة ديال الحوار الاجتماعي ‏

أكد رئيس الحكومة عزيز أخنوش، بأن الحكومة اللي كيرأسها خدمات على تدارك النقائص اللي عرفها الحوار الاجتماعي في السابق، وتجاوز كل الصراعات التي ‏ضيعات ‏على المغاربة بزاف ديال الوقت والجهد.

ووضح أخنوش، فجلسة المساءلة الشهرية فمجلس ‏المستشارين حول موضوع ‏‏“الحوار الاجتماعي، تكريس لمفهوم العدالة ‏الاجتماعية وآليه لتحقيق التنمية الاقتصادية”، أن تجارب الحوار الاجتماعي ‏الماضية، ماكانتش كتحتفظ بوتيرة ديال الخدمة منتظمة ومستدامة، كيفما أنه ما كانش عندها منهجية واضحة وغيرها من الإشكالات المرتبطة بضعف ‏القدرة ديالها ‏على تنفيذ التعاقدات والاتفاقات. ‏

وقال فالكلمة ديالو، أن الحكومة خدمات بشكل مبدئي على إعادة الاعتبار للعمل النقابي ‏وللمؤسسات النقابية، ‏باعتبارها مؤسسات دستورية تتخدم على الترافع والنهوض بمصالح وحقوق الفئات اللي كتمثلها، فإطار ‏احترام القانون والدستور.‏

كما أضاف بأن الحكومة اللي كيترأسها عقدات ‏اجتماعات مع ‏شركائها الاقتصاديين والاجتماعيين، قبل تقديم مشروع قانون المالية للاستماع ‏لمطالبهم ومقترحاتهم، ‏باش يتم تضمينها في قانون المالية، فإطار مقاربة عنوانها الصراحة ‏والوضوح، ووفق رؤية جديدة كتوضع ‏انتظارات الطبقة العاملة وعموم الموظفين في ‏صلب السياسات العمومية والبرامج الحكومية الجاية.

ونبه أخنوش للتشبث القوي للحكومة بالتزاماتها الواردة في ‏البرنامج الحكومي، كتعكسو التعبئة ‏الجماعية لكل القطاعات الحكومية، باش توفر ‏الشروط الضرورية لإحلال سلم اجتماعي حقيقي، وفق مقاربة تشاركية مع جميع الشركاء الأساسيين لإنجاح تنزيل ركائز الدولة الاجتماعية، ‏خدمة ‏للمصالح العليا للوطن والمواطنين.‏

موضوعات أخرى

29/01/2023 00:00

ماتت وما تسوق ليها حد.. بوليس بريطانيا لقا هيكل عظمي ديال امرا كانت مريضة وبعيدة على عائلتها

28/01/2023 22:00

الأهلي المصري وصل للمغرب باش يلعب الموندياليتو.. واللعابا فرحانين حيث المغاربة كبرو بهم فالاستقبال – تصاور

28/01/2023 21:30

“كود” جابت حقيقة وفاة جوج طالبات فوجدة: ماشي طالبات ووحدة مازال فغيبوبة والثانية كتهضر وفحالة صحية عادية

28/01/2023 21:00

“كود” جابت حقائق خطيرة على هرب اللاعب الجزائري بن العمري والمخابرات الجزائرية وراء رحيلو من المغرب