الرئيسية > آش واقع > أخبار كتروج على تلوث مياه سيدي حرازم.. وزارة الصحة كتوضح : هذشي كان شحال هذي.. وحدة الإنتاج دالشركة دابا خالية من أي تلوث
13/08/2020 18:50 آش واقع

أخبار كتروج على تلوث مياه سيدي حرازم.. وزارة الصحة كتوضح : هذشي كان شحال هذي.. وحدة الإنتاج دالشركة دابا خالية من أي تلوث

أخبار كتروج على تلوث مياه سيدي حرازم.. وزارة الصحة كتوضح : هذشي كان شحال هذي.. وحدة الإنتاج دالشركة دابا خالية من أي تلوث

عفراء علوي محمد- كود//

من بعد ما انتشرات مؤخرا اخبار على تلوث المياه المعدنية ديال شركة “سيدي حرازم”د خرجات وزارة الصحة كتوضح وتقول أن هذشي كان هذي اكثر من 10 شهور، ولكن دابا الشركة ولات كتحترم المعايير الجاري بها العمل.

المصلحة المختصة بهذشي فوزارة الصحة قالت، فبيان ليها توصلات بيه “كود”، أن الوحدة الإنتاجية ديال “سيدي حرازم” ولات خالية من أي مصدر ديال التلوث، “مما يعني أن الأمر قد تم التحكم فيه بشكل تام، ومباشرة بعد ذلك، تم السماح للشركة بإعادة تشغيل خطوط التعبئة واستئناف عمليات توزيع المياه المنتجة بشكل طبيعي”، حسبها.

وقالت أن المصالح المركزية والجهوية للوزارة قامت بمهام تفتيشية كان آخرها منتصف شهر يناير 2020، للتحقق من إنجاز شركة المياه المعدنية سيدي حرازم لتدابير السلامة الصحية المتفق عليها بعد تفجر قضية التلوث الجرثومي لمياهها، وخرجات التحليلات البكتريولوجية اللي دارها المختبر المرجعي لوزارة الصحة في 5 فبراير 2020 فهذ الإطار سلبية.

موضوعات أخرى