كود سبور//

ممكن يكون منتصر الحتيمي لاعب الوداد الرياضي مع الفريق فماتش إياب فينال السوبر ليك الإفريقي ضد ماميلودي صن داونز الاحد الجاي فجنوب إفريقيا، بعدما كانت الإصابة كتهدد المشاركة ديالو.

وحسب مصادر مطلعة، فالطاقم الطبي ديال الوداد الرياضي داير مجهودات كبيرة مع اللاعب منتصر الحتيمي خلال الأيام الماضية، والخدمة ديالهم تكللت بالرجوع ديالو للتداريب، وقرار المشاركة ديالو فالفينال ديال السوبر ليك الاحد الجاي، غيتحدد خلال الساعات الجاية.

وكان منتصر الحتيمي خرج موعت من ماتش ذهاب فينال السوبر ليك بين الوداد الرياضي وصن داونز الجنوب إفريقي الاحد الماضي فستاد دونور بالدار البيضاء، ومن التماك والشكوك كاينة حول المشاركة ديالو فالروتور.