الرئيسية > آش واقع > حزب العهد لي عندو جوج مكاتب كيديرو لعناد فضريح محمد الخامس – صور
18/05/2019 17:30 آش واقع

حزب العهد لي عندو جوج مكاتب كيديرو لعناد فضريح محمد الخامس – صور

حزب العهد لي عندو جوج مكاتب كيديرو لعناد فضريح محمد الخامس – صور

يونس أفطيط – كود///

حزب العهد الديمقراطي لي كان سابقا حزب العهد وبلعو البام فالاندماج اللي وقع خلال التأسيس، القيادات ديالو رجعو بحال المراهقين لي كايكونو مصاحبين وملي كيتخاصمو كيمشيو يتغانو بعضياتهم.

هاد الحزب اللي كيترأسو بروفيسور العظام نجيب الوزاني، ناض ليه المحامي عبد المنعم الفتاحي ودار جمع عام ومكتب جديد، ودابا الحزب رجع مقسوم على جوج كل واحد فالطرفين كيقول أنا هوالأمين العام الحقيقي.

هاد القضية كانت وقعات سابقا لمجموعة أحزاب ومنها حزب الشورى والاستقلال فسنة 2007، فاش كان عبد الواحد معاش أمين عام ودار محمد مكنيف جمع عام وخذا الأمانة العامة، ووقعات حرب بين الطرفين وفالأخير وزارة الداخلية وبعد شد وجذب عطات الترخيص لعبد واحد معاش من بعد ما تم التراضي بين الطرفين.

هاد القضية طبعا واقعة ديما فالأحداب المغربية لي مكتعرفش تتنافس ولكن كتنوض تتصارع وفالنهاية إما يوقع إنقسام فالحدب بحال جل الاحزاب، وفحالة حزب العهد مايمكنش ينقاسم أصلا حقاش فيه عشرة أعضاء مقسومين خمسة خمسة، يعني الحل هو جوج مكاتب.

هاد الروينة واقعة هادي سنوات، وزادو المكتبين كملوها وجملوها ناضو لبارح كل واحد دار اجتماع ديالو فبلاصة، وملي سالاو مشا الفتاحي ومجموعته ودار تصويرة حدا ضريح محمد الخامس ونشروها،ناض الوزاني ملي شافها جمع مجموعته ومشا تا هو تصور حدا الضريح ونشرها.

واش دابا بحال هادو ممكن يصوت عليهم بنادم أو يترجى منهم الخير للبلاد؟.

موضوعات أخرى

24/09/2019 08:15

الناجي يرد على مبادرة “خارجة على القانون”. اللي بصاح خارج على القانون هي السلطة وهاجر ما هي ضد القانون ولا خارجة عليه