مصطفى الشاذلي – كود سبور///
نشر الاتحاد الإفريقي لكرة القدم “الكاف” تفاصيل القرارات التأديبية اللي صدرات في حق الجامعة الملكية لكرة القدم والاتحاد الكونغولي لكرة القدم بسبب الأحداث اللي عرفها ماتش أسود الأطلس مع نظيره الكونغولي يوم الأحد الماضي.
الكاف فرض غرامة مالية على الجامعة ديالنا قدرها 20 ألف دولار، وهي نفس الغرامة اللي خاص حتى الاتحاد الكونغولي لكرة القدم يحطها، في الوقت اللي كان توقف الإطار الوطني وليد الركراكي 4 ماتشات.
وحسب قرار الكاف اللي شافتو “كود”، فإن الركراكي توقف 4 ماتشات، منها جوج مباريات مع وقف التنفيذ لمدة عام، فيما فرضت عليه غرامة مالية قدرها 5000 دولار.
اللجنة التأديبية اللي تابعة للكاف فرضات أيضا، غرامة على الجامعة الملكية بقيمة 10 آلاف دولار بسبب الشهب الاصطناعية اللي تم الاستعمال ديالها من طرف الجمهور المغربي فالماتش ديال الكونغو، منها 5000 دولار موقوفة التنفيذ.
