كود سبور//

نايضة على تذاكر ماتش المنتخب الوطني المغربي ضد منتخب المريكان، برسم ربع نهائي أولمبياد باريس2024، والجمهور لقا التذاكر سالات وغالية فالمارشي نوار.

وكتعاني الجماهير المغربية فباريس بزاف باش تلقا تذاكر اللي تخليها تقدر تدخل تتفرج فالماتش ديال غدا الجمعة بين المنتخبين المغربي والمريكاني، والمشجعين ما لقاوش التذاكر حيث كلشي باغي يمشي يتفرج فهاذ الماتش اللي من المنتظر يعرف حضور قياسي فعدد الجماهير بملعب بارك دي برانس.

الإقبال الكبير للجماهير المغربية ورغبتها القوية فحضور ماتش المغرب والمريكان، خلا الحركة فالمارشي نوار تنتعش وفتح المجال للسماسرة اللي كايبيعو ويشريو فبحال هاد المناسبات وكايستغلو الفرص، وواصلين أثمنة التذاكر فالمارشي نوار ما بين 100 و300 وحتى 400 و500 أورو.