گود سبور//

باغيين أتليتيكو مدريد الإسباني الدولي المغربي نايف أگرد مدافع ويستهام النگليزي يجي يلعب معهم، فالموسم الجاي.

وحسب موقع “فوت ميركاتو” المتخصص فانتقالات اللاعبين فالعالم، فأتليتكو مدريد بداو مفاوضات مع ويستهام النگليزي على قبل نايف أگرد، اللي باغي حتى يمشي من ويستهام فهاد الصيف.

ووضح نفس المصدر، أن أتلتيكو مدريد باغيين نايف أگرد إعارة لمدة موسم واحد مع خيار إمكانية شراء العقد بشكل نهائي، ولكن ويستهام باغيين يبيعو عقد اللاعب المغربي بمرة مقابل 20 مليون أورو، أو يصيفطوه بريطي موسم واحد مع إلزام شراء العقد ديالو بشكل نهائي.