كود سبور//

ربح الدولي المغربي زكرياء أبو خلال صحابو فالمنتخب الوطني المغربي سفيان بوفال وعز الدين أوناحي اليوم الأحد، فالماتش اللي جمع فريقي تولوز وانجي فبطولة فرنسا بنكهة مغربية حيث فيه 3 اللعابا مغاربة.

تولوز اللي كيلعب فيه زكرياء أبو خلال ربح انجي اللي كيلعب فيه الكوبل سفيان بوفال وزكرياء اوناحي بنتيجة 3 لبيوت مقابل واحد، وشارك فالماتش أبو خلال وسفيان بوفال ضد بعضيتهم كرسميان أمام عز الدين اوناحي فدخل فالماتش كبدي فالدقيقة 70.

وبالرغم من مشاركة اللعابا المغاربة فالماتش ولكن حتى واحد منهم ما قدر يماركي، حيث البيوت ديال تولوز مركاهم بريست ديجاركيري، وفان دين بومن، وستيجن سبيرينكس، أمام بيوت انجي فسجلهم نبيل بنطال وأمين سلامة.

ورفع تولوز فريق زكرياء أبو خلال من بعد هاذ الرباح الرصيد ديالو إلى 15 نقطة وكيحتل المركز 11، أن انجي فعندو 8 نقاط فقط، وكيحتل المركز 17.