الرئيسية > كود سبور > أبو بكر زعيتر ماعندوش علاش يحشم.. بعد السلخة ديال لعصا اللي كلاها والسبان اللي وجه للبطل “لخصم” ناض قاليك شوفوني كنصلي! – تدوينة وتصاور
01/04/2021 17:00 كود سبور

أبو بكر زعيتر ماعندوش علاش يحشم.. بعد السلخة ديال لعصا اللي كلاها والسبان اللي وجه للبطل “لخصم” ناض قاليك شوفوني كنصلي! – تدوينة وتصاور

أبو بكر زعيتر ماعندوش علاش يحشم.. بعد السلخة ديال لعصا اللي كلاها والسبان اللي وجه للبطل “لخصم” ناض قاليك شوفوني كنصلي! – تدوينة وتصاور

كود سبور //

أبو بكر زعيتر الرياضي في “فنون القتال المختلطة Arts martiaux mixtes (MMA)” ماعندوش علاش يحشم.

هاد أبو بكر اللي كلا سلخة ديال لعصا مؤخرا على يد منافسه الكندي مارك أندري باريو، خلال المواجهة التي احتضنتها مدينة لاس فيكَاس الأمريكية، ناض كينشر تصاور ليه وهو كيصلي فشي صال د السپور.. زعما شوفوني!

ونشر تدوينة على صفحته الرسمية بموقع التواصل الاجتماعي “فايسبوك”، وقال فيها: “الحمد للـه على كل شيء”، في إشارة واضحة منه للهزيمة التي تلقاها قبل أيام على يد الكندي باريو اللي شبع فيه عصا.

أبو بكر معروف عليه متعجرف وفيه بزاف ديال لعياقة، عوض مايخرج يقول أنه خسر حقاش ماكانش موجد و متريني كيف لازم.. ومع هو فاشل جاتو فكرة يبدا يصور راسو كيصلي باش يجمع شويا التعاطف ديال بعض المتتبعين.. وهو فالحقيقة كولشي عايق بيه وغير ساكتين ومامسوقينش ليه، و على كل حال البطل العالمي لخصم كلاشاه مزيان، وقاليه أشنو كاين، بعدما سبو و سب ليه الوالدة ديالو.

أبو بكر زعيتر ربما معارفش بأن الرياضة هي أخلاق ماشي سبان أو عياقة أو شي حاجة بحال هكا.. و مصطفى لخصم البطل المغربي السابق، في رياضة “الكيك بوكسينكَ”، رد عليه بطريقة زوينة وبمستوى كبير ماشي بحالو.. كيبان الفرق!

و زايدون، اللي كيصلي مكيقولش للناس هاني كنصلي.. شوفوني.. داكشي شغلو وحاجة كتخصو غير هو.. لاش زعما هاد الموضة ديال صوروني راني مؤمن و ماتيقوش بداكشي اللي كيقولو و كتسمعو عليا..؟!

ومصطفى لخصم اللي سبيتيه وسبيتي ليه مو، خاصك تقلب عليه مزيان و حاول تفرج فيه وشوف كيفاش كان كيلعب و كيحتارم الرياضة اللي كيمارس.. و كيفاش هز ببلادو هادي سنوات مني كانت الرياضة رياضة ماشي دابا فاش تخلطات حقاش بحالك هوما اللي كيخرجو عليها وماكيعطيوش مثال مزيان على السپورتيف خصوصا اللي كيكَول على راسو پروفيسيونال.

https://m.facebook.com/story.php?story_fbid=295702105253952&id=100044424936542

موضوعات أخرى

21/04/2021 10:30

بغاو يشوشو على اجتماع مجلس الأمن ومامسوق ليهم حد.. البوليساريو خرجات قيادييها يسبو المغرب والأمم المتحدة ومجلس الأمن

21/04/2021 10:00

نجاو بأعجوبة.. ناس گالسين فجردة الفيلا ديالهوم فطنجة حتى دخل عليهوم كاميو مشارجي بالحجر هرس السور من بعد ما تقطعولو الفرانات – تصاور

21/04/2021 09:30

اجتماع مجلس الأمن على ملف الصحرا.. جوج إحاطات غادي يتقدمو لأعضاء المجلس وغاتكون آخر إحاطة لرئيس “مينورسو” وها محاور الجلسة المغلقة – وثيقة

21/04/2021 09:00

هشام العلوي كيقلز تحت الجلابية. تصاحب مع البحري ودافع عليه. كيفاش كيدافع على دولة المؤسسات وكيتعامل مع واحد ما عندوش شي صفة فبلادنا بل منتاحل صفة وداير بيها لاباس؟