كود سبور- الرباط//

اكد عبد المالك أبرون، عضو المكتب المديري للجامعة الملكي المغربية لكرة القدم، ان اختيار 4 ملاعب من الرباط بوحدها باش تكون مع 5 ملاعب من 5 مدن اخرى لاستضافة مباريات كاس افريقيا “المغرب2025″، ما فيهش تمييز بين المدن، إنما الامر يتعلق بمستوى كل مدينة، وتوفرها على الإمكانيات اللازمة.

ووضح عبد المالك أبورون في تصريح لجورنال “گود”، وقال: “كنا مصرحين غير بـ6 الملاعب دابا ولينا فـ9، كل مدينة عندها القدرة ديالها والاقتصاد ديالها وعندها الدورة الدموية ديالها، والشرايين ديال الاقتصاد يتركز فالمدينة البنية التحتية والأراضي”.

وكمل أبورون وقال: “دابا إلى شفتي الملاعب اللي تزادو راه كانوا وطيحوهم كاملين وعاودوهم من جديد، ولكن كانت المنشأة وكان الوعاء العقاري ما كايناش صعوبة، ولكن إلى كانت مدينة ما عندهاش هاد الوعاء العقاري وخاصو دراسة ما غايمكنش، وما كاينش التميز، مدينة الرباط فيها 4، وهذه الملاعب اللي تزادت تاريخيّة، راه ملعب البريد كانعقل باقي صغير وكانجي نتفرج فيه من تطوان حتى الرباط، إذا لا غرابة وهاد الناس كايعملو شغلهم متقون والدولة خدامة”.