الرئيسية > آراء > آ الله على راحة ! كمغربية فرحت نشوف وزيرات بلا حجاب يمثلو صورة المغرب الدولة الحداثية لي العيالات فيها ماعندهم تا عقدة من الجسد ديالهم و من شعرهم !! ولكن كانتمنى الشكل يكون كايساير المضمون ! و نشوفو الحداثة ماشي غير فالزي حتى فالقوانين
09/10/2021 11:00 آراء

آ الله على راحة ! كمغربية فرحت نشوف وزيرات بلا حجاب يمثلو صورة المغرب الدولة الحداثية لي العيالات فيها ماعندهم تا عقدة من الجسد ديالهم و من شعرهم !! ولكن كانتمنى الشكل يكون كايساير المضمون ! و نشوفو الحداثة ماشي غير فالزي حتى فالقوانين

آ الله على راحة ! كمغربية فرحت نشوف وزيرات بلا حجاب يمثلو صورة المغرب الدولة الحداثية لي العيالات فيها ماعندهم تا عقدة من الجسد ديالهم و من شعرهم !! ولكن كانتمنى الشكل يكون كايساير المضمون ! و نشوفو الحداثة ماشي غير فالزي حتى فالقوانين

سهام البارودي – كود//

آ الله على راحة ! وزيرات الحكومة الجديدة تاوحدة فيهم مادايرة الحجاب و مغنبرة وسط الزيوف ! آ الله على راحة كانشمو شوية ريحة الحداثة و ريحة المغرب ما قبل الهجوم الوهابي ! آ الله على راحة كانشوف وزيرات كايشبهو ليا و لخواتاتي و صحاباتي ! وزيرات نبغي بنتي تاخدهم قدوة و فاش تشوفهم فالتلفزة تتمنى تكون فحالهم !

حيت انا شخصيا كانشوف بلي الحجاب ماشي غير لباس عادي و صافي !لا الحجاب راه ايديولوجية ! الحجاب راه هوا الرمز ديال الاسلام السياسي! الحجاب رمز من رموز العنصرية و الاقصاء ضد المرأة و النظرة الدونية للجسد ديالها على اساس انه “فتنة” و “عورة” فا اذن مايمكن غير نفرح فاش نشوف بأنه الوزيرات لي كايمثلو صورة المغرب يكونو كلهم بلا حجاب !

ولكن كانتمنى انه الحداثة ماتكونش غير فالزي و نشوف الحداثة حتى فالقوانين و المبادرات لي يمكن انها تساعد المغاربة عامة انهم يبعدو من مستنقع الجهل و التخلف و المرأة خاصة ! خصوصا فوزارة الاسرة و التضامن لي من المهام ديالها انها تنهض بالمستوى ديال العيالات فالمغرب ! كانتمنى أنه هاد البوكي ديال النساء لي فوزارات مهمة فحال المالية و الاسرة و الصحة و الوزارات الاخرى يكون عندهم دور فتحرير العيالات المغربيات من براثين الفقر و الأمية !

و لي ماعندو سيدو ! عندو لالاه!

موضوعات أخرى

19/10/2021 16:00

هاد القرار كان خاصو يتدار شحال هادي، أنا نيت فاش لقحت ولقيت راسي باقي خاص ندخل مع التسعود وممنوع من الحمام ولاصال وشلا بلايص بحالي بحال لي مملقحش جاتني في شكل، إذن علاش غادي ينوض الواحد يتلقح وهو داخلو الشك فيه

19/10/2021 15:30

ارميلي غاتخدم بمقاربة استباقية فـ معالجة مشاكل كازا.. وأولها تجنب تكرار السيناريو ديال فيضانات العام الفايت – تغريدة

19/10/2021 15:00

نناشد نعمان لحلو التدخل لتهدئة الأوضاع بين الرابورات المغاربة والجزائريين! الراب كسلاح محظور يطلق قذائف الجهل والأحقاد البدائية