وكالات //

عوضات شركة “آپل” سيدة، من ولاية أوريكَون الأمريكية، بملايين الدولارات، بعدما قام موظف من مركز الإصلاح التقني التابع للشركة، بتسريب تصاورها وفيديوهات ديالها في “فايسبوك”، بعدما دوزات ليه تيليفونها باش يصاوبو.

القصة وقعات في 2016، وتفاجآت السيدة بفيديوهات ديالها دايعين في الأنترنت بلا خبارها، و بعدها رفعات دعوى قضائية ضد “آپل” لأن الشخص اللي كان صاوب ليها تلفونها، هو مول الفعلة.

شركة “آپل” قالت أنه من ديك الوقت وملي ساقت لخبار بهاد الجريمة اللي دار التكنيسيان ديالها، زادت قوات من بروتوكولات الحماية، وأنها خذات الإجراءات ضدو بشكل فوري.