كود سبور//

كايحاولو الوداد الرياضي يخليو اللاعب أيوب العملود معهم خلال المرحلة المقبلة، بعدما سالا العقد ديالو مع الفريق الأحمر مع نهاية الموسم الماضي وجاوه عروض.

وكشفت مصادر مطلعة، أن أيوب العملود جاه عرض من إدارة الوداد الرياضي برئاسة هشام آيت منا باش يبقى مع الفريق الأحمر خلال المرحلة المقبلة، واللاعب كايدرس هذا العرض وكاينة اتصلات من مسؤولين الواك معه باش يجدد مع الحمرا وما يمشيش.

نفس المصادر نفت توقيع أيوب العملود مع فريق بيرسبوليس الإيراني، ولكن ما نفاتش أنهم قدمو عرض للاعب اللي عندو عروض أخرى من فرق مغربية ومن برا باغينو يلعب معهم الموسم الجاي.