كود سبور//

خرج هشام آيت منا رئيس شركة شباب المحمدية برد فعل غريب مرة أخرى بعد الخسارة مع الرجاء الرياضي من جديد، وهاد المرة بنتيجة 2 لزيرو في ربع نهائي كأس العرش والإقصاء على يد النسور من المسابقة، وأكد أنه ما بقاش فيه الحال حيث انهزم فالماتش، ولكن بقى فيه الحال حيث خسر مع فريق ما غيوصلش للكاس.

وقال هشام أيت منا رئيس شركة شباب المحمدية بعد الخسارة مع الرجاء والإقصاء من كأس العرش: “لعبنا مزيان فالماتش ولاعبينا تقاتلوا وخسرنا بالكرة وما كاينش المشكل، ولكن الحاجة اللي ضراتني هي خسرنا مع فريق اللي ما غيوصلش للكاس ولكن سيبا كراف”.

وكيجي تصريح هشام أيت منا بعد الخسارة الجديدة له كمسؤول بشباب المحمدية، باش يزيد يخلي العلاقة متوترة بينو وبين الرجاويين، حيث ديما كيتبادل معهم الكلاشات وكان باغي يستغل الأزمة اللي كيمر منها الفريق الأخضر باش يحقق أول رباح له كمسؤول بشباب المحمدية على الخضرا ولكن هذا الحلم عندو بالفوز على الرجاء تأجل ثاني.