كود سبور//

باغي هشام ايت منا رئيس الوداد الرياضي لكرة القدم، يجيب الجنوب إفريقي رولاني ماكوينا المدرب السابق لماميلودي صن داونز الجنوب إفريقي.

ودخلو الوداد الرياضي واقترحو على رولاني ماكوينا مول الـ37 عام تدريب الفريق، ودابا هو الخيار الأول لهشام آيت منا رئيس وداد كرة القدم، اللي بدا كيوجد وناوي على انتداب مدرب مزيان قادر يعاون الواك ويرجعو للمستويات الكبيرة ديالو وينسي الجماهير فالمواسم الماضي اللي كان كارثي.

وكان رولاني ماكوينا تفارق قبل أيام مع صن داونز الجنوب إفريقي بسبب مشاكل مع مسؤولين داخل النادي، بعدما تألق مع الفريق وحقق معه لقب السوبر ليگ الإفريقي ملي ربح الوداد فالفينال، وربح 2 ألقاب لبطولة جنوب إفريقيا.