كود سبور//

عبر هشام آيت منا الرئيس الجديد للوداد الرياضي على الفرحة ديالو حيث طلع رئيس جديد للمكتب المديري للنادي، وأكد أم المهمة صعبة ومحتاج لتعاون كل الوداديين باش ينجحو.

وقال هشام آيت منا فتصريح لـ”گود”: “نتمنى نكون بحالي بحال الرؤساء اللي خلاو البصمة ديالهم فهاد النادي العريق وماشي ساهل أن الواحد يترأس نادي بحجم الوداد الرياضي”.

وكمل آيت منا: “المهمة صعبة ولكن بالتعاون ديال الجماهير والمنخرطين والمدرب واللاعبين غادي نتفوقو باش نشوف الوداد كيفما بغينا وحتى حاجة ما صعيبة على الوداد”.