كود سبور//

خاص جمهور شباب المحمدية يخلص 150 درهم كثمن للتذكرة الواحدة، باش يدخلو يتفرجو فماتش الفريق ديالهم ضد الوداد الرياضي اللي الرئيس ديالهم الحالي هو هشام ايت منا الرئيس السابق لشباب المحمدية هشام ايت منا، ورئيس جماعة المحمدية.

وخصص الوداد الرياضي نوع واحد من التذاكر لجمهور شباب المحمدية خلال الماتش الجاي بين الفريقين،  غدا السبت فتيران العربي الزاولي برسم الدورة 6 من البطولة الاحترافية لكرة القدم، هذه التذاكر غادي تباع فتيران البشير فالمحمدية، ودارو لها الوداد ثمن 150 درهم حيث جات فالمدرجات اللي مغطية.

وبالمقابل فتذاكر جمهور الوداد الرياضي لنفس الماتش ضد شباب المحمدية كاتبدا من 60 درهم، وهو الثمن المخصص للمدرجات العريانين، مع العلم أن الطاقة الاستيعابية ديال تيران العربي الزاولي محدودة بزاف، وهنا الوداد برئاسة هشام آيت منا كايدافعو على فريقهم حيث ما يمكنش يقسّم المدرجات العريانين مع شباب المحمدية واخا هذا الفريق هو اللي كبر فيه وكان رئيس ديالو، باش ينقص فثمن التذاكر لجمهور الشباب ويعطي المدرجات المغطاة الثانية اللي بـ150 درهم لجمهور الوداد اللي خاصو يجي يشجع الفريق ديالو فهاد المرحلة اللي كايدوز منها.