كود سبور//

اكد هشام ايت منا المرشح لرئاسة الوداد الرياضي متعدد الفروع، والرئيس المنتدب لفرع كرة القدم، أن الفريق الأحمر غايشارك فمونديال الاندية “المريكان2025″، كمثل للمغاربة بما فيهم الرجاويين، وانه غايمشي باش يحقق الإنجاز اللي دارو الرجا فمونديال 2013 ملي وصلو للفينال.

وقال هشام ايت منا فتصريح له لوسائل الإعلام قدام البرلمان اليوم الثلاثاء: “غانمشيو نشاركو فكاس العالم للاندية نمثلو بلادنا وحتى الرجاويين، وعلاش لا نوصلو للفينال بحال الرجا”.

وكمل هشام ايت منا اللي كان معروف بالكلاشات مع الرجاويين ملي كان رئيس لشباب المحمدية: “ولكن هاد النسخة اللي غانشاركو فيها حنا هي اول نسخة اللي فيها 32 فريق يعني هذا نيفور آخر والوداد غاتمشي تشارك فيها وهي مؤهلة، اما الرجا شاركو فالبرازيل مؤهلين وشاركو فالمغرب حيث كنا حنا البلد المنظم”.