كود سبور//

وضح هشام آيت منا رئيس الوداد الرياضي أنه هذاك الشي اللي قال بأن “الجيش الملكي تسرق له لقب البطولة الموسم الماضي” داخل فالكورة، وأنه مستعد يمشي مع الرجا للمؤسسات الرياضية المختصة وحتى للمحكمة إلى بغاو.

وعيط هشام آيت منا لراديو مارس قبل لحظات، باش يفسر شنو كان كايعني بالتصريح ديالو الأول، وقال: “الجيش الملكي كانوا متصدرين البطولة 29 دورة وتخونت لهم قبل الجولة الأخيرة ودويت أنا كرويا”.

وكمل آيت منا وقال إن  جمهور الرجا من حقو يدافع على الفريق ديالو واللي بغا يمشي معه للأخلاقيات يمشي معه واللي بغا يمشي معنا للمحكمة مستعد يمشي معه للمحكمة.

وكانوا الرجاء الرياضي خرجو بلاغ على تصريح آيت منا، وقالو إنهم شكاو به إلى لجنة الأخلاقيات بالجامعة الملكية المغربية لكرة القدم والعصبة الوطنية لكرة القدم الاحترافية وغايشكيو به للقضاء.