كود سبور//
عبر الدولي المغربي الشاب عبد الحميد آيت بودلال على الفرحة ديالو الكبيرة حيث عيط له الناخب الوطني وليد الركراكي للمنتخب المغربي لأول مرة، وقال إنه ما متيقش هذا الشي.
وتكلم عبد الحميد آيت بودلال، وقال فتصريح للموقع الرسمي للجامعة الملكية المغربية لكرة القدم: “الصراحة ما سقتش الخبار حتى گالها ليا الدري صاحبي، كنت گالس ما بيا ما عليا حتى عيط عليا وليد الركراكي وفرحت بزاف وما تيقتش وحسيت بفرحة كبيرة بزاف وكانشكرو على الثقة اللي دار فيا”.
وكمل آيت بودلال وقال: “فرحان نكون مع هذا الگروب اللي فيه لاعبين كبار، وكانشكر الجماهير المغربية على التشجيعات ديالهم وكانشكر واليديا اللي عاونوني بزاف من الصغر ديالي باش نوصل لهذا الشي، وأنا فرحان بهذه التجربة بزاف، وغادي نزيد نخدم باش نكون عند حسن ظن وليد الركراكي باش يزيد يتيق فيا كثر”.
