الرئيسية > آش واقع > آيت الطالب كشف على استراتيجية جديدة فالتعامل مع مصابي كورونا: كل شركة فيها أكثر من 50 موظف غيولي عندها طبيب خاص لتتبع حالات الاتصال ورصد الحالات المشتبه فيها 
12/08/2020 12:30 آش واقع

آيت الطالب كشف على استراتيجية جديدة فالتعامل مع مصابي كورونا: كل شركة فيها أكثر من 50 موظف غيولي عندها طبيب خاص لتتبع حالات الاتصال ورصد الحالات المشتبه فيها 

آيت الطالب كشف على استراتيجية جديدة فالتعامل مع مصابي كورونا: كل شركة فيها أكثر من 50 موظف غيولي عندها طبيب خاص لتتبع حالات الاتصال ورصد الحالات المشتبه فيها 

عفراء علوي محمدي- كود//

علن خالد آيت الطالب، وزير الصحة، على تغيير استراتيجية فحوصات فيروس كورونا المستجد وتشخيص الحالات المحتملة ولابريز أون شارج ديال المصابين بالفيروس.

هذ الخطة، اللي تكلم عليها آيت الطالب، فندوة عن بعد تنظمات لبارح من طرف رئيس الجمعية المغربية للعلوم الطبية، مولاي سعيد عفيف، غيتم تنفيذها بشكل تدريجي كما يلي:

– غتولي كل شركة فيها أكثر من 50 موظف عندها طبيب خاص ديال الخدمة، وفارماسيان، وطبيب حر، بالإضافة لانه غيتم متابعة المخالطين دالموظفين وتكثيف الاختبارات فهذ الشركات.

– كل طبيب أو صيدلي خاصو يعمر استمارة موحدة لجميع الحالات المشتبه فيها، والإعلان عليها غيكون إلزامي.

– يمكن للطبيب يطلب إجراء الاختبارات على بعض الحالات إلى استلزم الأمر.

– غيتحالو هذ الأشخاص المشتبه فيهم على سبيطار الحومة اللي تابعين ليه لأخد الاستشارات اللازمة والتشخيص.

– المصابين اللي ماعندهومش أعراض غيخضعو للمراقبة فالمنازل ديالهن بعد رسم القلب الكهربائي ضروري قبل ما يتناولو دواء الهيدروكسي كلوروكين، بالتنسيق مع المندوبية الإقليمية.

موضوعات أخرى

27/09/2020 15:30

عشاق الغابة كانت آخر تفويجة ليهم فالمساحات الخضرا فبوسكورة البارح بعد تفشي كورونا فالنواصر

27/09/2020 13:00

توسطليه السفير الامريكي فألمانيا.. ها كيفاش دخل أبو زعيتر لميريكان العام اللي فات واخا رفضو الملف ديالو 3 دالمرات بسباب تاريخو الاجرامي… وغير تفضح بلانو ناض مسح تصاورو مع السفير بالزربة باش مايتفرشش