كود تيغسالين////
قدرات عناصر المركز القضائي بآيت إسحاق بمعاونة المركز الترابي ديال تيغسالين، نهار 8 شتنبر 2025، يوقفو واحد الشخص ارتكب جريمة قتل فظرف قياسي.
القضية بدات من بعد السهرة اللي أحياها عبد العزيز أحوزار فمهرجان سيدي يحيى أوساعد، حيث مشى الجاني للمنطقة المعروفة بـ “تنغريت” باش يشري “ماحيا” من عند واحد المروج. من بعد ݣلس حداه، ولحق بيه الضحية اللي كانت بينو وبينو عداوة قديمة. الشجار اللي وقع بينهم خلا الجاني يخرج سكين كبيرة ويغرسها فالضحية فالقلب، باش يطيح ميت فبلاصتو.
البحث السريع خلا الدرك يوقفو الجاني، وزادو شدّو حتى المروج ديال “ماحيا” وجوج أشخاص آخرين عندهم علاقة بالقضية.
الموقوفين كاملين تحطّو تحت تدابير الحراسة النظرية بأمر من النيابة العامة، في انتظار ما يسفر عليه البحث القضائي.
