گود سبور//

فـ الوقت اللي الوداد الرياضي النادي اللي معروف عليه انه نادي وطني واسسوه الوطنيين للمقاومة ضد الفرانسيس المستعمرين، جا هشام ايت منة باش يضرب كلشي فـ الزيرو وفـ بلاصة ما يعطي الفرصة للكفاءة المغربية مشى يجيب الفرنسيين يخدمو فـ الوداد.

الكفاءات المغربية اللي أبهرت العالم فـ مجموعة من المجالات ومنها السمعية البصرية بشرط أنها تتوفر لها الإمكانيات، وراه شفنا المغاربة فـ القنوات الفضائية الكبيرة على برا، بحال محمد عمور فـ bein sports وكفاءات مغربية أخرى كثيرة، جا هشام ايت منة وحگر هذه الكفاءات الوطنية، وشد مشروع “وداد تيفي” وعطاه للفرانسيس، ولهذاك المنشط الفرنسي ألكساندر رويز.

والكارثة هو أن هذا المنشط الفرنسي، جراو عليه beinsports عام 2020، حسب “Mediapart” بسبب التمييز الجنسي وشي هضرة خايبة فيها الجنس قالها للزميلة ديالو بالقناة فانيسيا لو موين.

الإعلام الفرنسي راه هضر على هذا الشي ومن بين المنابر اللي تداولت الخبر كاينة RMC وليكيب و ولوباريزيان، وايت منة اللي زعما فرونكو فون خاص يكون فراسو هذا الشي ويبعد الشبهات على الوداد، راه الوداد هادي نادي الوطنيين والمغاربة ماشي ديالو هو إلى كان راضي لراسو لفضايح ويجيب صحاب الشبهات.