الرئيسية > آراء > آشمن محتوى غادير ليك مرا مزلوطة فيوتوب ؟! الطياب كايبغي المقادير والفلوس والخبرة! لي حطيتي عليها يديك خاصها الگرمومة و لا المعرفة! و كيما العادة كايبقا الجسد منذ القديم هوا راس مال المرا فاش كايضربوها الحيوط! و فيديوات روتيني اليومي هوما نوع جديد ديال الدعارة 2.0
28/09/2020 14:00 آراء

آشمن محتوى غادير ليك مرا مزلوطة فيوتوب ؟! الطياب كايبغي المقادير والفلوس والخبرة! لي حطيتي عليها يديك خاصها الگرمومة و لا المعرفة! و كيما العادة كايبقا الجسد منذ القديم هوا راس مال المرا فاش كايضربوها الحيوط! و فيديوات روتيني اليومي هوما نوع جديد ديال الدعارة 2.0

آشمن محتوى غادير ليك مرا مزلوطة فيوتوب ؟! الطياب كايبغي المقادير والفلوس والخبرة! لي حطيتي عليها يديك خاصها الگرمومة و لا المعرفة! و كيما العادة كايبقا الجسد منذ القديم هوا راس مال المرا فاش كايضربوها الحيوط! و فيديوات روتيني اليومي هوما نوع جديد ديال الدعارة 2.0

سهام البارودي – كود//

فاش يا الله بانو فيديوات روتيني اليومي كانو العيالات لي كايديروهم كايركزو على الجمال مثلا و كاتوريك كيفاش تغسلي البشرة ديالك ! آشمن كريمات ترطبي بيهم وجهك ! شنو هوما الوصفات لي تقشري بيهم الخلايا الميتة ؟! و لا مثلا كاتوريك المرا شنو كاطيب لولادها و راجلها و لاكانت شي حادگة لالة و مولاتي راه كاتستافدي منها ! و لا كاتوريك “اللايف ستايل “” ديالها ! فين خرجات ! فين مشات ؟ هاهي فين دوزات العطلة مع الاسرة ديالها! هاهي فين خرجات تقدات الحوايج لولادها ! ها الحمام الجديد لي مشات كسلات فيه عظامها ! المحتوى ديال روتيني كان كايتمحور حول الجمال و اللباس و الماكلة ( المواضيع لي كاتهم اغلب النساء )

و لكن بالنسبة لوحدة مزلوطة باغا تاهي دير محتوى فيوتوب و دخل بيه مصيريف ، واش غادي تقدر على الطياب ؟ الطياب ماشي ساهل، خاصو المقادير يعني الگرمومة حيت خاصك تشري الفرماج و لاكريم فريش و اللحم و الدجاج ! و بالاضافة للمقادير خاص الخبرة د الطياب و تكوني كبرتي وسط اسرة كاطيب اصلا و عندها ماطيب! الجمال كايبغي تاهوا الگرمومة حيت الكريمات و الماركات ماشي ساهلين ! اللباس حتى هوا! آشنو غايشيط لوحدة مزلوطة وسط هادشي باش دير محتوى فاليوتوب ؟ غايشيط ليها داكشي لي شاط لجداواتها قبل منها ! “الجسد” ! الجسد هوا راس المال الوحيد لي ماعمرو ماخوا بالعيالات و فاش كاتقواد كاتقواد كاين فيهم لي كاتختار تاجر بيه باش تعيش! و هادشي لي كانشوفوه ففيديوات روتيني اليومي راه ماهوا الا وسيلة حديثة للدعارة ، حيت شنو هي الدعارة فالاصل ؟ هي انسان كايبيع الجسد ديالو مقابل المال ! وا راه كيما “القحبة” القديمة كاتبيع الجسد ديالها لواحد يستمتع بيه مقابل المال ! “القحاب ” الجداد كايبيعو تراميهم فاليوتوب من اجل فلوس الادسنس!

هي فورم جديدة ديال الدعارة ! كايلتاجؤو ليها العيالات لي ماقادينش يخرجو ليها فرا و يعريو على اللاص نيشان ! و فنفس الوقت باغين يدخلو الفلوس و يحسنو من الظروف المعيشية ديالهم ! يوتوب اليوم هوا شارع الراشيدي ديال البارح.

مع انعدام القراية و الفلوس و الخبرة و لاكريم فريش فالثلاجة ! كاتبقا الترمة ! هي الوحيدة لي ماعمرها ماكاتخوي بمولاتها !

موضوعات أخرى

20/10/2020 19:00

المغرب بلاد مافيهاش مكة ولا الفاتيكان مافيهاش الحرية ديال برشلونة ولا متاحف سان بيترسبرغ ولا جزر اليونان وشواطئ الطاليان وابلاد مافيها حتى شي حاجة إستثنائية لي يشوفها الواحد ومع ذلك مايضربش فيها حتى الطاسة وينيك على خاطرو وباغينها تكون سياحية باش بالدعاء

20/10/2020 18:30

الجو تقلب والعجاجة رونات عدد من المدن المغربية.. الأرصاد الجوية لـ”كود”: كاين اضطراب جوي وها شنو جاي معاه وها سبب لعجاجة

20/10/2020 18:20

حملة الأيادي النظيفة اللّي طلقها الحموشي طيحات عنصر فـ”الديستي” عندو علاقة بقضية كبيرة دلحشيش: جات موراه الـBNPJ من فاس

20/10/2020 18:00

المتطرف الصفريوي اللي كان فالاصلاح والتجديد واللي كيعرف وزراء من البي جي دي قسمو ليه ظهرو: ماكرون سد ليه جمعيتو ومازال فالتحقيقات بسباب قطع رأس استاذ التاريخ

20/10/2020 17:30

حصيلة كورونا اليوم: 3254 مغربي ومغربية تصابو و51 ماتو و2417 تشافاو.. الطوطال: 179003 إصابة و3027 وفاة و148838 متعافي.. و27138 كيتعالجو منهم 592 حالتهم خطيرة

20/10/2020 17:00

بعد تعديل اتفاقية التبادل الحر: أردوگان لي عندو سفارة فاسرائيل هاجم المغرب لي مدايرش علاقات رسمية مع تل ابيب.. وبكل حقارة وكالتو الاناضول: محمد السادس ربح جائزة “اصدقاء صهيون”