وكالات//

خرجات المغنية المشهورة  أريانا غراندي  من الصمت ديالها وهضرات أخيرا على المعاناة ديالها مع الانتقادات المتكررة بخصوص المظهر ديالها في الحوار لي دارتو مع صاحبتها في فيلم Wicked، الممثلة سينثيا إيريفو.

وهضرات غراندي على الضغوط لي كتتعرض ليها لها منذ بداية مسيرتها الفنية، فين ولات تحت أنظار الجمهور في سن الـ16.

وقالت أريانا غراندي: “كنت كنعيش كعينة تحت المجهر من صغري، وسمعت كل التعليقات الممكنة على اللوك ديالي ، مكيهمنيش الوضع لي كنكون فيه، حينت الكومونطيرات ديما كيضروني ومكيكونوش مريحين”.

وهاجمات واحد العينة من الجمهور لي قالت انها كتحس بالراحة فين كتعلق على الشكل ديال المشاهر والنجوم وكتهاجمهم وكتجرهم، وقالت ان هادو خطر كبير على الناس.

وواخا هكاك قالت اريانا غراندي انها مع الوقت تعلمات كيفاش تحمي راسها من هاد الناس وولات كتركز غير على الناس لي كيحبوها.