الرئيسية > تبركيك > آدم المشتكي بالريسوني: جاني انهيار عصبي وراني شاد الفراش – تدوينة
17/06/2021 14:00 تبركيك

آدم المشتكي بالريسوني: جاني انهيار عصبي وراني شاد الفراش – تدوينة

آدم المشتكي بالريسوني: جاني انهيار عصبي وراني شاد الفراش – تدوينة

عفراء علوي محمدي- كود//

كشف آدم، المشتكي بالصحافي المعتقل سليمان الريسوني، أنه تعرض لانهيار عصبي حاد خلاه طايح فالفراش.

هذشي جا من بعد ما كان حط آدم سطاتيات قال فيهم أنه عيا، ومابقاتش عندو الطاقة لهذشي اللي كيوقعليه، من “تشهير وترهيب” و”العنف النفسي” اللي تمارس عليه، كيف لمح انه كيتمنى الموت، او كيفكر فالانتحار، من بعد ما قال أنه غيرتاح إلى كان جنب الناشطة سارة حجازي، اللي توفات هذي عام.

https://www.facebook.com/100006758610630/posts/2984851678416757/

اليوم فتدوينة جديدة ليه، آدم وضح الأمور، وقال: “مانخبيش عليكم ان اللي كندوز منو باق القدرة ديالي على التحمل والصبر، ولكن الحب ديالكم كيزيد يقويني على الاستمرار فداكشي اللي كنآمن بيه… ماغاديش تخذلكم وماغنستسلمش ونعطيهم داكشي اللي بغاو فطبق من ذهب…”

وكشف آدم انه تلقى مكالمات كثيرة بين لبارح واليوم، حتى من طرف ناس ماكيعرفهمش، وهذشي اللي خلا حالتو النفسية تتحسن.

وآدم داعي الريسوني ومتهمو بجنايات هتك عرضو بالعنف واحتجازو، وهي التهم اللي كينفيها الريسوني، اللي هذي كثر من 70 يوم وهو مضرب على الماكلة، وكيطالب بإطلاق سراحو.

موضوعات أخرى

01/08/2021 22:30

أمانة البي جي دي تالفا.. مقدروش يوافقو على ترشيح بنكيران وحطو امكراز ضدا فالقواعد بتيزنيت والشوباني اللي محارب مع الداخلية حطوه فميدلت باش يواجه الاحرار

01/08/2021 20:00

بعدما لقاو اقدم انسان عاقل ف المغرب.. الباحث ف علم الآثار عبد الرحيم محب: هاد الاكتشاف كيموقع المغرب كمنطقة أساسية ف شمال إفريقيا لدراسة السكان الأوائل