گود سبور//

أكد الدولي المغربي آدم ازنو لاعب ايفرتون النگليزي أنه ما ضغطش على صاحبو الدولي الإسباني من أصول مغربية لامين يامال لاعب البارصا باش يلعب مع المنتخب المغربي، وأنه خلاه خاطرو واخا هما مختلفين فالمنتخب اللي اختاروه.

وفحوار له مع Post United، كشف آدم أزنو واش هضر مع لامين يامال على اختيار المنتخب المغربي، وقال: “لا، لا، لا، ما ضغطش عليه حيث كنت عارفو باغي يلعب مع الصبليون، وهذاك كايبقى القرار ديالو، قلت له خليك أنت وأنا غانمشي، غانتبع قلبي.. دير داكشي اللي بغيتي وراني كانحترم قرارك”.

وكمل آدم ازنو اللي فضل يلعب مع المغرب على الصبليون، وقال: “كون كنت بلاصتو غانختار المغرب، أهكون كنت بلاصتو بأفكاري كنت غانختار المغرب”.

للإشارة فأدم ازنو ولامين يامال صحاب من الصغر ولعبو بجوج فلاماسيا أكاديمية البارصا، والفئات السنية ديال المنتخب الاسباني.