وكالات//

حكمات المحكمة على راجل مريكاني عندو 35 عام، سميتو تيرون ألكساندر، بتهمة انتحال صفة مضيف طيران، بعدما دار أكثر من 120 رحلة فابور بطريقة احتيالية ما بين 2018 و2024.

ووفقًا لموقع “أوديتي سنترال”، النيابة قالت إن تيرون استغل واحد السياسة ديال شركات الطيران اللي كتخلي المضيفين والربابنة من شركات أخرى يسافرو فابور، وكان كيدّعي فاش كيدير تسجيل الدخول فالأنترنت أنه مضيف طيران.

ورغم أنه خدم شوية كمضيف ما بين 2013 و2015 فشركات صغيرة، استعمل معلومات كذابة بحال أسماء شركات، أرقام شارات، وتواريخ تعاقد باش يركب الطيارات بلا ما يخلص، وداكشي فـ4 شركات طيران مختلفة.

الأدلة بيّنت أنه مشى لمدن كبار بحال أتلانتا، دالاس، لاس فيغاس، ولوس أنجلوس، وبدّل الهوية ديالو بحوالي 30 تركيبة مختلفة من أرقام وتواريخ، وحتى بان على أنه خدام مع 7 شركات طيران، ودخل لمناطق أمنية فالمطارات بكذوب.