وكالات//

وحلو الركاب ديال رحلة جوية كانت غادية من باريس لكورسيكا فالسما لأكثر من ربع ساعة، حيت نعس مراقب الحركة الجوية اللي كان خدام فداك الوقت، كيف ما صرّحات به هيئة الطيران المدني ففرنسا.

وقالت الهيئة لوكالة فرانس برس، بلي منين نعس المراقب، الطيارة ديال “طيران كورسيكا” اللي كانت طايرة من مطار باريس أورلي ومتوجهة لأجاكسيو فجزيرة كورسيكا، بقات كتدور فوق البحر الأبيض المتوسط لمدة ديال “18 دقيقة”.

وزادت الهيئة وقالت: “منين تدخلات الوقاية المدنية عند برج المراقبة، لقاو باللي المراقب اللي كانت فيه النوبة نعس فبلاصتو”.

ومن بعد ما فيقوه، “هبطات الطيارة بلا مشاكل”، حسب الهيئة، اللي قالت حتى هي أنها بدات تحقيق فـ”الوضعية الغريبة” هادي.

ورغم أن التحاليل ديال الكحول اللي دارو للمراقب خرجات سلبية، إلا أن إمكانية يعاقبوه مازالت كتدوز فالدراسة.