وكالات//

كتواجه واحد المرأة هندية من ولاية بنغال الغربية تهمة أنها خدعات راجلها باش يبيع الكلوة ديالو في المارشي نوار، باس تمول تعليم بنتهم وزواجها، ومن بعد سرقات الفلوس وهربات مع العشيق ديالها.

بحسب التفاصيل اللي ذكرتهم صحيفة “أوديتي سنترال”، الزوج كان في البداية متردد، لكن الزوجة ديالو قدرت تقنعو على مدار شهور باش يبيع الكلوة ديالو باش يضمن المستقبل المالي ديال الأسرة. ورغم أن بيع الأعضاء البشرية غير قانوني فالهند، الراجل كلس عام كامل كيدور باش يلقى شاري فالمارشي نوار، و من بعد لقى واحد

من بعد ما دار العملية المؤلمة، الزوج عطا الفلوس اللي خداها مقابل الكلوة ديالو (مليون روبية، حوالي 11,500 دولار) لمراتو.

ولكن المفاجأة كانت أن المراة  سرقات الفلوس وهربت مع العشيق ديالها اللي تعارفات عليه من خلال  فيسبوك.

وبعد ما اكتشف الزوج أنها سرقات الفلوس وسمحات فيه، مشى للبوليس وديكلارا، والبوليس قدرو أنهم يعتقلو الزوجة فباراكبور، حيث كانت مع العشيق ديالها.