الرئيسية > آش واقع > واخا مشدود فالحبس.. أخطر مافيوزي اللي كان ورا جريمة “كافي لاكريم” فمراكش صيفط صحابو يقتلو زعيم مافيا مغربي فإسبانيا بقرطاسة فالراس 
22/01/2022 15:30 آش واقع

واخا مشدود فالحبس.. أخطر مافيوزي اللي كان ورا جريمة “كافي لاكريم” فمراكش صيفط صحابو يقتلو زعيم مافيا مغربي فإسبانيا بقرطاسة فالراس 

واخا مشدود فالحبس.. أخطر مافيوزي اللي كان ورا جريمة “كافي لاكريم” فمراكش صيفط صحابو يقتلو زعيم مافيا مغربي فإسبانيا بقرطاسة فالراس 

كريم الشركي – كود //

لقاو بوليس الصبليون جثة راجل مضروب بقرطاسة فالرأس، وسط طوموبيلة محروقة فمنطقة “شيكلانا” (Chiclana) بنفوذ إقليم قاديث (Cadix) فإسبانيا.

البوليس فتحو تحقيق باش يتعرفو على هوية صاحب الجثة، وتبين أنه مافيوزي منحدر من منطقة الريف المغربية، والمعروف بالتبزنيس فالمخدرات، ملقب بـ”الكَزار”، وسميتو “إبراهيم بوزو” وفعمرو 52 سنة، وكان هو العدو اللول ديال “رضوان تاغي” اللي دار جريمة قهوة “لاكريم” فمراكش، ومطلوب فأوروبا وتشد فدولة الإمارات.

عملية تصفية بوزو جات بعدما تعرفات عصابة تاغي  على البلاصة اللي مخبع فيها بوزو فجنوب إسبانيا، حيث عثر عليه مقتولا برصاصة في رأسه نهاية الأسبوع المنصرم وفي سيارة محترقة بإقليم قاديث الإسباني.

وكان بوزو تعرض لعدة محاولات اغتيال من طرف عصابة تاغي، حقاش كانو بجوجهوم واحد كيحاول يقتل لاخور باش واحد فيهم اللي يبقى أكبر زعماء المافيا، وملي ماقدرش بوزو يقتل تاغي، مشى بركَكَ بيه عند البوليس، وهادشي خلا تاغي يجند أفراد عصابتو لقتل بوزو اللي فلت من الموت فأكثر من مناسبة قبل أن تتم تصفيته في إسبانيا اللي كان هارب فيها.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري