كريم الصوفي – كود//
[email protected]
قالت تقارير اخبارية، أن محكمة أليكانتي ف اسبانيا حكمات، مؤخرا، على هولندي ومغربية عندهم شركة للأشغال والبناء بعامين ديال الحبس بسباب الاحتيال على مؤسسة الضمان الاجتماعي. ما خلصوش الاشتراكات والمساهمات لمدة ثلاث سنوات على الأقل. ودابا خاصهم يخلصوها ومن الفوق يدفعو غرامة تقارب 600 ألف يورو.
المحكمة لقات ان المتهمين تهربو من أداء اشتراكات الضمان الاجتماعي ديال العمال ديالهم بين عامي 2013 و 2015، تقريبا ما مجموعه 297 ألف و 877 يورو. وفي جلسة 11 يناير الفايت اعترفو بجوج بالاتهامات الموجهة ليهم ويمكن العقوبة السجنية يتم تعليقها ف حالة دفع غرامة قدرها 595.755 يورو ، بالإضافة إلى دفع تعويض قدره 297.877 يورو للضمان الاجتماعي.
