كريم الشركي – كود //
بعدما فشلات البوليساريو فالتسويق للمناوشات اللي كاديرها فالخلا قريب من الحدود وشرق الجدار الرملي، وفشلات تروج ليها على أنها حرب، مشات جابت بعض الصحافة الإسبانية ودارت ليهم جولة، وداتهم لمنطقة قرب المحبس.
وطبعا البوليساريو دارت استعراض عسكري أمام الصحافيين وطلقات صواريخ باليستية راشية ديال الرواسة، وهادشي اللي ردو عليه لمغاربة بقذائف الهاون، ما يعني أنها مجرد مناوشات.
بعد إطلاق هاد جوج ديال الصواريخ سالات الحفلة وهربو البوليساريو حقاش قذائف الهاون طاحت قريبة ليهم، وكأن الحرب اللي كيسوقو ليها هي مجرد إطلاق جوج صواريخ راشية والهرب بعدها.
وطبعا الصحافة الإسبانية اللي ماكتفلتش فرصة باش ضرب المغرب، نفخات فهاد العملية كيف عادتها.
لكن الفيلم كلو بان، كيف العادة، بللي مجرد بروبكَندا بايخة موجهة للاستهلاك الإعلامي.
El frente polisario durante las ostilidad de baja intensidad entre su territorio del Sahara Occidental y el ejercito de Marruecos
Óscar Corral
01/01/21
